是你：献予阿嘉老师
哈力桑
歌词
（“阿嘉请你也保重”前奏）
位岛屿四墘欲转去淡水，
未赴赶天光的尾班车，想欲停困；
暮色的海岸，已经无云彩，
你的头鬃伫文学的格子顶，继续留长。
热情满腹，唱歌的形影；
找无念诗的酒伴，淡薄仔寒。
惦惦是你，声嗽悬悬也是你；
你的酒杯阁滇滇，你伫阮心内拢袂醉。
（“淡水暮色”间奏）
歌诗无恋情，伴奏失落语言的小夜曲。
烧酒厚情意，天涯海角总是著分开。
（副歌）
逐遍拢是你，相挺无推辞；
逐遍拢是你，陪阮到半暝。
无你的教室，若像空空的城市；
无你的牵教，阮按怎拢缀袂著阵。
想欲阁作伙，唱歌念诗，
想欲阁作伙，干杯斗阵，
文学是你，写尽人生咸酸甜；
烧酒是你，像淡水的雨落袂离。
（“阿嘉请你也保重”尾奏）
...查看更多 收起