泥洹之迫 - 人生的戏作伙播

5冬矣！原来已经5冬过去矣！等有够久的啦！新歌犹原犹是遮尔好听！词嘛写了好！看的出来是有落工夫做功课的，毋是华文嘛毋是华星文，是台文歌词，只不过有的看起来敢若佮教育部的用字小可无仝，帮恁做一寡校正，嘛附台罗歌词，是讲我有一点仔疑问，原底歌词内底的“播”其实是“搬”(puann，搬戏puann-hì 的 搬puann)抑是就是“播”(pòo，广播kóng-pòo 的 播pòo)，听足久足济遍犹是听无啥出来，紧来问一下，解除心中的疑惑，多谢！嘛期待未来新的作品！莫阁予阮等遐久矣啦！嘛希望阁会当看著恁的现场的表演演出！

--------------------

人生的戏做伙搬 Jîn-sing ê hì tsò-hué puann（人生的戏作伙播）
泥洹之迫 Nî-huân-tsi-pik（Urging Oblivion）

日子 一工过一工 亲像一个傀儡
Ji̍t-tsí, tsi̍t-kang kuè tsi̍t-kang, tshin-tshiūnn tsi̍t-ê ka-lé
雺雾的眼前 刺疫表心情
Bông-bū ê gán-tsîng, tshiah-ia̍h piáusim-tsiânn

每一个人注定出世 就应该 面对著考验 一冬过去阁一冬
Muí-tsit-ê lâng tsù-tiānn tshut-sì, tō ing-kai, bīn-tuì tio̍h khó-giām, tsi̍t-tang kuè-khì koh tsi̍t-tang
阮袂当 来解脱 这是无奈人生折磨
Gún bē-tàng, lâi kái-thuat, tse-sī bû-nāi jîn-sing tsiat-buâ

来，有啥物款的忧愁讲出来
Lâi, ū siánn-mih-khuán ê iu-tshiû kóng-tshut-lâi
你我拢是条直咧拍拼
Lí-guā lóng-sī tiâu-ti̍t leh phah-piànn
就算讲古 嘛较快活
Tiō-sǹg kóng-kóo, mā khah khuìnn-ua̍h
来，有啥物款的操烦讲出来
Lâi, ū siánn-mih-khuán ê tshau-huân kóng-tshut-lâi
你我拢是仝款咧忍耐
Lí-guā lóng-sī kāng-khuánn leh jím-nāi
捧杯 啉予痛快
Phâng-pue, lim hōo thòng-khuài

看破眼前的美梦
Khuànn-phuà gán-tsîng ê bí-bāng
有你佮我斗阵行
Ū lí kah guā tàu-tīn kiânn
无论风霜有偌大
Bô-lūn hong-song ū-juā tuā
人生的戏做伙搬
Jîn-sing ê hì tsò-hué puann

每一个人注定出世 就应该 面对著考验 一冬过去阁一冬
Muí-tsit-ê lâng tsù-tiānn tshut-sì, tō ing-kai, bīn-tuì tio̍h khó-giām, tsi̍t-tang kuè-khì koh tsi̍t-tang
阮袂当 来解脱 这是无奈人生折磨
Gún bē-tàng, lâi kái-thuat, tse-sī bû-nāi jîn-sing tsiat-buâ

莫数想恬恬等待 会改变未来
Mài siàu-siūnn tiām-tiām tán-thāi, ēkái-piàn bī-lâi
运命笑看著我孤单悲哀
Ūn-miā tshiò-khuànn tio̍h guā koo-tuann pi-ai

看破眼前的美梦
Khuànn-phuà gán-tsîng ê bí-bāng
有你佮我斗阵行
Ū lí kah guā tàu-tīn kiânn
无论风霜有偌大
Bô-lūn hong-song ū-juā tuā
人生的戏做伙搬
Jîn-sing ê hì tsò-hué puann

看袂著 面前希望
Khuànn bē-tio̍h, bīn-tsîng hi-bāng
阮毋愿 一人孤单行
Gún m̄-guān, tsi̍t-lâng koo-tuann kiânn
阮毋愿 家己哭出声
Gún m̄-guān, ka-tī khàu tshut-siann
手中温度嘛渐渐冷却，谁来陪伴
Tshiú-tiong un-tōo mā tsiām-tsiām líng-khiok, siáng lâi puê-phuānn
疼入心肝
Thiànn-ji̍p sim-kuann

心内的温度嘛随风降
Sim-tiong ê un-tōo mā suî hong kàng
降入腹嘛无人疼
Kàng ji̍p pak mā bô-lâng thiànn
呼唤 阮的名 声声苦疼
Hoo-huàn, gún ê miâ, siann-siann khóo-thiànn
遥远的歌声 是阮的梦
Iâu-uán ê kua-siann, sī gún ê bang
唱著欢喜的歌 声声充满著希望
Tshiùnn tio̍h huann-hí ê kua, siann-siann tshiong-muá tio̍h hi-bāng
歌中有你有我
Kua toing ū lí ū guá

搬出你我的心声
Puann tshut lí-guá ê sim-siann