04 伤心地狱芳花引魂

作词作曲 Compose & Lyric／王家权 Hunter Wang
编曲 Arrange／王家权 Hunter Wang

主唱 Vocal／夏子 Natsuko
电吉他 Electric Guitar ／王家权 Hunter Wang
合唱 Chorus／珂拉琪 Collage

客座乐手 Guest Player
贝斯 Bass ／程杰
鼓手 Drum ／江尚谦

录音师 Recording Engineer／柯拓名（小名）Ming Ke、邱建钧@玩痛研究室
录音助理 Assistant Engineer：于世政 Yu Shih Cheng@Lights Up Studio
录音室 Recording Studio ／地下怪兽录音室 Indie Monster Studio、Lights Up Studio、玩痛研究室
混音师 Mixing Engineer／ 柯拓名（小名）Ming Ke

母带后期处理工程师 Mastering Engineer ／ Brian Elgin
母带后期处理录音室 Mastering Studio ／ Resident Studio 这家录音室

插图 Art／夏子 Natsuko
台语歌词顾问 Lyrics Supervisor／李勤岸 Lí Khîn-huānn

求神切断世间迷恋
Kiû sîn tshiat-tn̄g sè-kan bê-luân
降伏千百夜叉恶鬼
Hâng-ho̍k tshing-pah iā-tshe ok-kuí
孽镜台前斟酌审判
Gia̍t-kiànn-tâi tsîng tsim-tsiok sim-phuànn
咙喉出力讲袂出声
Nâ-âu tshut-la̍t kóng bē tshut-siann

大铁围山无间地狱
Tāi-thih-uî suann Bû-kan tē-ga̍k
火烧狱城十万八千
Hué-sio ga̍k-siânn tsa̍p-bān peh-tshing
越头看无来时的路
Ua̍t-thâu khuànn-bô lâi-sî ê lōo
明王指引头前光明
Bîng-ông tsí-ín thâu tsîng kong-bîng

若是讲 我看天无望
Nā-sī kóng guá khuànn thinn bô-bāng
坦白讲 嘛望地无路
Thán-pe̍h kóng mā bāng tè bô-lōo
一个人 无喙嘛无舌
Tsi̍t ê lâng bô tshuì mā bô tsi̍h
孤身流转 伫北阴酆都
Koo-sin liû-tsuán tī Pak-Im Hong-Too

阴风中 听枵鬼咧爬
Im-hong tiong thiann iau-kuí leh pê
心惊惊 见十殿阎君
Sim kiann-kiann kìnn Tsa̍p-tiān Giâm-kun
戆戆踅 等乌白无常
Gōng-gōng se̍h tán Oo-peh Bû-siông
向腰牵我 摄我的亡魂
Ànn-io khan guá liap guá ê bông-hûn

“头犁犁的少年家 你欲越去佗位？”
Thâu-lê-lê ê siáu-liân ke, lí beh ua̍t khì tó-uī
满面风霜 拄著 百千万劫
Muá-bīn hong-song tú-tio̍h pah-tshing-bān-kiap

“敢是予鬼仔煞著？栊仔内面的人”
Kám-sī hōo kuí-á suah tio̍h, lông-á lāi-bīn ê lâng
无名无姓 恬恬 予人掷伫涂跤
Bô-miâ-bô-sènn, tiām-tiām, hōo lâng tàn tī tôo-kha

凡势是意外 抑是生来注定
Huân-sè sī ì-guā iah-sī senn lâi tsù-tiānn
敢若一场梦 规身躯轻松
Kán-ná tsi̍t tiûnn bāng kui sin-khu khing-sang
火王爷现身 目睭擘金金
Hué-ông-iâ hiàn-sin ba̍k-tsiu peh-kim-kim
烦恼拢烌去 无白色的水
Huân-ló lóng hu-khì bô pe̍h-sik ê tsuí

复制你的爱 复制你的勇气
Ho̍k-tsè lí ê ài ho̍k-tsè lí ê ióng-khì
复制你的眼 复制你的灵魂
Ho̍k-tsè lí ê gán ho̍k-tsè lí ê lîng-hûn
复制你的泪 幻化阿修罗
Ho̍k-tsè lí ê luī huān-huà A-siu-lô
代你堪一切 绝望的火
Tài lí kham it-tshè tsua̍t-bōng ê hué

转轮圣王起身 守护无命人客
Tsuán-lûn-sìng-ông khí-sin siú-hōo bô-miā lâng-kheh
远远的声传来 伊的祈求
Hn̄g-hn̄g ê siann thuân lâi i ê kî-kiû
众神攑灯相送 看顾有情众生
Tsiòng-sîn gia̍h-ting sio-sàng, khuànn-kòo iú-tsîng tsiòng-sinn
一生珠泪落涂 路边红花清芳
Tt-sing tsu-luī lo̍h-tôo lōo-pinn âng-hue tshing-phang

伫隐痀桥终点 是自由的向望
Tī ún-ku-kiô tsiong-tiám sī tsū-iû ê ǹg-bāng
望你会当平平安安
Bāng lí ē-tàng pîng-pîng-an-an
放袂记的人生 有月娘咧照路
Pàng bē-kì ê jîn-sing ū gue̍h-niû leh tsiò-lōo
祝你行过一世人的伤悲
Tsiok lí kiânn-kuè tsi̍t-sì-lâng ê siong-pi

拔开你手内 彼缚牢的铁链
Pue̍h-khui lí tshiú lāi he pa̍k-tiâu ê thih-liān
无伤无痕 袂阁疼矣
Bô-siong-bô-hûn bē koh thiànn--ah
拍毋见的身躯 拢揣倒转来
Pha̋ng-kiàn ê sin-khu lóng tshuē tó--tńg-lâi
头前有人 咧等你
Thâu-tsîng ū lâng leh tán lí