莲花空行（Single Ver.）

作词作曲 Composer & Lyricist／王家权 Hunter Wang
编曲 Arranger／王家权 Hunter Wang、夏子 Natsuko
技术制作 Technical Co-Producer／柯拓名（小名）Ming Ke @Studio51

主唱 Vocalist／夏子 Natsuko、王家权 Hunter Wang
电吉他 Electric Guitarist／王家权 Hunter Wang

客座乐手 Guest Player
贝斯 Bassist／程杰 Jay Cheng
弦乐编修 Strings Rearranger／陈彦竹 Ian Chen

录音工程师 Recording Engineer／柯拓名（小名）Ming Ke @Studio51
剪辑工程师 Editing Engineer／柯拓名（小名）Ming Ke @Studio51
混音工程师 Mixing Engineer／柯拓名（小名）Ming Ke @Studio51

插图 Art／夏子 Natsuko
台语歌词顾问 Lyrics Supervisor／李勤岸 Lí Khîn-huānn

经纪人 Manager／小夏 Summer
特别感谢 Special Thanks／张浩嘉 HaoChia、汪博纬 Bryan（有鼓气音乐 BACKBONE MUSIC）以及赖圣文 Peter Lai 提供爵士鼓技术支援

莲花空行（Liân-hue Khong-hīng）

＊“由本自性清净故，令诸爱染悉无垢。”

又阁是彼个 无代无志想著的形影
Iū-koh sī hit ê, bô-tài-bô-tsì siūnn tio̍h ê hîng-iánn
亲像一阵风 吹落来 是春风少年
Tshin-tshiūnn tsi̍t tsūn-hong, tshue loh lâi, sī tshun hong siáu-liân

坐嘛是思念 坐袂牢 真无聊的思念
Tsē mà-sī su-liām, tsē bē tiâu, tsin bô-liâu ê su-liām
倒咧眠床顶 予月娘 笑规个暗暝
Tó leh bîn-tshn̂g tíng, hōo gue̍h-niû tshiò kui-ê àm-mî

我行过你的世界
Guá kiânn-kuè lí ê sè-kài
啥物我拢无爱
Siánn-mih guá lóng bô ài
只想欲伫你心内（写一条歌）
Tsí siūnn beh tī lí sim-lāi（siá tsi̍t tiâu kua）

车行过 in 的期待
Tshia kiânn-kuè in ê kî-thāi
这站阁无落来
Tsit tsām koh bô loh-lâi
无想欲对谁交代（心内惊惊）
Bô siūnn beh tuì siáng kau-tài（sim-lāi kiann-kiann）

想著我彼暗小可仔歹势
Siūnn-tio̍h guá hit-àm sió-khuá-á pháinn-sè
予你揣著我
Hōo lí tshuē-tio̍h guá
规身躯藏无好势的委屈
Kui-sing-khu tshàng bô hó-sè ê uí-khut

风中的飞龙咧吼
Hong-tiong ê hui-liông leh háu
声声予天摇地动
Siann-siann hōo thinn-iô tē-tāng
爱你的传说写伫顶悬
Ài lí ê thuân-suat siá tī tíng-kuân
感情绁来愈飞愈悬
Kám-tsîng sua-lâi lú-pue lú-kuân

花开伫你蹛的楼
Hue khui-tī lí tuà ê lâu
想当时欲缀你走
Siūnn tong-sî beh tuè lí tsáu
多情的雨崁著目睭
To-tsîng ê hōo kham tio̍h ba̍k-tsiu
你的代志讲袂清楚
Lí ê tài tsì kóng bē tshing-tshó

看你行过千山万水
Khuànn lí kiânn-kuè tshian-san-bān-suí
手内蔷薇微微仔芳
Tshiú-lāi tshiông-bî bî-bî-á phang
行踏轻松跤步的我
Kiânn ta̍h khin-sang kha-pōo ê guá
恬恬伫遮拢无出声
Tiām tiām tī tsia lóng bô tshut-siann

日子过一工阁一工
Ji̍t-tsí kuè tsi̍t-kang koh tsi̍t-kang
你的一切拢犹未放
Lí ê it tshè lóng iá-buē pàng
越头欲揣过去的我
Ua̍t thâu beh tshuē kuè-khì ê guá
煞来袂记家己的名
Suah-lâi bē kì ka-kī ê miâ

是我欲陪你流浪
Sī guá beh puê lí liû-lōng
长路终点满天花雨
Tn̂g-lōo tsiong-tiám muá-thinn hue-ú
雺雾内底戆神
Bông-bū lāi-té gōng-sîn
千年流转你的世界
Tshian-nî liû-tsuán lí ê sè-kài
自作多情的人
Tsū-tsok-to-tsîng ê lâng
眼前地狱家己拣的
Gán-tsiân tē-ga̍k ka-kī kíng ê
天上 地下 人间
Thian-siōng, tē-hā, jîn-kan
四方妖孽请恁退下
Sù-hong iau-gia̍t tshiánn lín thè-hā

这繁华世间
Tse huân-hua sè-kan
众生有情人
Tsiòng-sing ū-tsîng-lâng
有情缠烦恼（甘愿受罪）
Ū-tsîng tînn huân-ló（kam-guān siū-tsuē）

心狂火著
Sim-kông hué-to̍h
明知会艰苦
Bîng tsai ē kan-khóo
千错万错 （拢佮你无关）
Tshian-tshò-bān-tshò（lóng ka̍h lí bô-kuan）