翕

Prod:
　周穆 a.k.a. Murky Ghost
　Boycany a.k.a. 简岳虹

Mixing:
　Boycany a.k.a. 简岳虹

Cover Art:
　Jet0127

《翕 Hip》

台北今夜冷清清（注 1）
Tâi-pak kin iā líng tshin tshin
剩青红灯伫闪烁
tshun tshenn-âng-ting tī siám-sih
心情淡薄也稀微
sim-tsîng tām-po̍h iā hi-bî
无半个人影通好翕
bô puànn ê lâng-iánn thang hó hip

想起彼工甲你约束
siūnn-khí hit-kang kah li iok-sok
若是阁相拄欲替你翕相片
nā-sī koh sio-tú beh thè li hip siòng-phìnn
想起你捌甲阮讲
siūnn-khí li bat kah gún kóng
你爱的人早拢无伫
li ài ê lâng tsá lóng bô-tī

这阵你人置佗位
tsit-tsūn li lâng tì tó-ui
甘有所在通予你去
kam ū sóo-tsāi thang hōo li khi
抑是坐伫房间捘电视
ia̍h-sī tsē tī pâng-king tsūn tiān-sī
反正入梦著会当团圆
huán-tsìng ji̍p bāng tio̍h ē tàng thuân-înn

这阵你人置佗位
tsit-tsūn li lâng tì tó-ui
甘有约会通好无闲
kam ū iok huē thang hó bô-în
抑是倒伫眠床耍手机
ia̍h-sī tó ti bîn-tshn̂g sńg tshiú ki
点著往事一支阁一支
tiám to̍h óng-sū tsi̍t ki koh tsi̍t ki

我可能有病
guá khó-lîng ū pēnn
几百种人格
kuí pah tsióng lîn-keh
肖想阁分裂
siàu-siũ koh hun-lia̍t

我嘛毋知影这阵
guá mā m̄ tsai-iánn tsit-tsūn
到底是佗一个
tàu-té sī tó tsi̍t ê
参谁伫讲话
tsham siáng ti kóng-uē

翕著你的目睭
hip tio̍h li ê ba̍k-tsiu
翕著你的身躯
hip tio̍h li ê sing-khu
翕著你的无奈
hip tio̍h li ê bô-nāi
翕著你的郁卒
hip tio̍h li ê ut-tsut
相闪身的人真济
sio-siám-sin ê lāng tsin tsē
只有生份人讲心内话
tsí-ū tshinn-hūn-lâng kóng sim-lāi-uē

翕著你的头鬃
hip tio̍h li ê thâu-tsang
翕著你的芳味
hip tio̍h li ê phang-bī
翕著你的欢喜
hip tio̍h li ê huann-hí
翕著你的伤悲
hip tio̍h li ê siong-pi
相闪身的人真济
sio-siám-sin ê lāng tsin tsē
无常永远闪袂过
bû-siông íng-uán siám bē kuè

过去心不可得（注 2）
kuè-khì sim put-khó tit
现在心不可得
hiān-tsāi sim put-khó tit
未来心不可得
bī-lâi sim put-khó tit
患得患失
huān tit huān sit
嘛无路用
mā bô lōo-īng

过去心不可得
kuè-khì sim put-khó tit
现在心不可得
hiān-tsāi sim put-khó tit
未来心不可得
bī-lâi sim put-khó tit
一句关心
tsi̍t kù kuan-sim
讲袂出喙
kóng bē tshut tshuì

・
注
1 《台北今夜冷清清》1986 黄建铭 词 收录于 洪荣宏台语专辑7未了情
2 《金刚经》鸠摩罗什 译本