劫婚

Songwriters:
Original Story Author: Guy Ray
Lyrics by 樊博宇
Produced by Newton Boyle
Samples:
Contains elements from《我只在乎你》by 邓丽君
Inspired by《在乎你》by Lo-wei, Gordon, Bz

（瞓唔著咧？讲个古仔畀你听喇，听完你就瞓得著喇，个古仔就系啖噶～）
从前 从前 唔好意思 又系从前 从前嘅古仔讲得多的确令人讨厌
所以今次 我讲返一个科幻爱情古仔事情发生喺未来嘅加州海滩
听落唔系好浪漫但系讲返时间系2015由于投资嘅失误
我由个二世祖变成个乞衣穷到甩裤 但为咗你我可以乜都不顾
我啲朋友同我讲话 佢同你之间嘅距离就好似几万几万公里
从来都冇理会 关于你嘅消息我几乎都识背 一个机会
当报纸话 你要同个亿万富豪结婚时间系听日傍晚 维多利亚港湾
我话我要赶返去劫婚啲人话我系痴脷筋
no wonder 瞓觉前谂下你个样会瞓得著 至于个budget
问朋友借咗钱但系仲争成几千 唯有走去打劫几间便利店
绑架官员 赎金交于指定地点 为咗避免畀人发现我即刻攞现金去买咗张机票
行李入边有即将要过期嘅护照仲有当年嘅𠮶对鞋同𠮶只表
事到如今你可能已经唔记得咗喇不过我𠮶时都系一样咁钟意你噶
想同你一齐度假去vegas 不过而家就快啲等部飞机飞吧
飞机飞过太平洋云层上未曾想过我会去抢新娘
为咗你 做呢啲都好正常 放心呢一次就等我为你疯狂

相信只要我够诚心 总有一日呢个古仔会成真
咪怪我一往情深 除咗我之外冇人可以同你结婚
相信只要我够诚心 终有一日呢个古仔会成真
唔系讲笑我好认真 除咗我之外冇人可以与你成亲

我一落机就见到四周围贴住我个样 我谂啲机场特警见到我都几乎要掹枪
所以我翻过埲墙勉强啖抢咗部阿婆嘅绵羊仔嚟到代步
离开咗咁耐我都争啲唔识路 不过我仲记得𠮶日同你约定嘅富邦银行
仲有一齐嘅尖东海傍 而家我喺𠮶条路上边赶紧去教堂
至于个交通 唔使同我担心 有警察为我开路护航
到咗教堂打低啲石Q 我实要同你一齐走 拖住你之手 我问你
可唔可以同我成亲
我唔要妻妾成群我净系要你一个人 跟住攞出只易拉罐戒指希望一切未算太迟
你话你愿意
同我一齐我有大志 我地两个可以一齐做头号通缉犯
后人可能会将我地嘅事迹出版 跟住我一齐浪迹天涯
天大地大总有两个人嘅世界 从此以后个故事继续 由此迎来一个圆满嘅结局
（跟住我发现你瞓著咗……哈，好喇，早唞，Good Night）

相信只要我够诚心 总有一日呢个古仔会成真
咪怪我一往情深 除咗我之外冇人可以同你结婚
相信只要我够诚心 终有一日呢个古仔会成真
唔系讲笑我好认真 除咗我之外冇人可以与你成亲