反驳语
FABER
介绍
歌词
Intro：各位乡亲父老、街坊细路，埋嚟睇睇埋嚟坐了喂
唔想听嘅可以返归，想听嘅就留低喇喇冧霸个靓位吖
今日咧，讲呢段《反驳语》，听住啦，话说～
我出世𠮶时我阿妈出事 我老窦畀咗我 反驳 两个字
我舅父佢就话我认真多××所以佢绝对唔会喺我身上边落赌注
十几年嚟嘅生活好似真系一个赌局
我一路输一路输就输到得番条底裤 估 呢个古仔几时有得开古
先至知 我日日都喺度食紧诈糊
听古唔好驳古否则自己攞嚟辛苦
呢个道理系由以前个讲古佬师傅教路
意思系叫你做人唔得你就唔好强求 个头爆成啖又点戴安全帽
但系屋企人对住我除咗期望乜都冇 好似恒生指数要几高就有几高
系咪想我以后做大富豪同佢地养老 定系读书有出息就可以光宗耀祖
日日祈祷 虽然我冇我信仰嘅神
但系我信我同你根本系同样嘅人
阿妈话 自己屙屎就要自己敏 我话自己条出路就应该自己稳
我曾经以为呢个世界好纯品 点知原来生活系咁艰难
我用我嘅语言继续作反 开口食饭要自己稳两餐
呢个古仔未讲嗮下一ba继续分解
想知后事如何就等我同你讲解
论成败 我系老师口中反面教材 所以在所难免都会畀社会遗弃
问下人地不如问下我自己 讲××唱rap究竟系咪低级趣味
如果唔系点解会有人嚟讲我是非
我自卑 我又丑又肥 贪生怕死
爱系阳光空气 对我太卑微 负心汉唔系好人所以佢地够胆卑鄙
但系只要仲有一个人话听得好滋味
为咗佢 我呢把声都会继续落去
一次 一句 一首 一句句 无胆匪类 用把口嚟犯罪
我讲我嘅语言 吹水唔使抹嘴 开口食饭要自己稳两餐
曾经以为世界上嘅事情好顺摊 而家先知现实生活原来咁艰难
我用我嘅语言文字继续写低一个反 用自己只手 将自己向上攀
我唔知 点解冇人认同我 出咗事情又话系我错
唔出事情又唔见有人赞我
样衰衰冇衫裤鞋袜手机赞助 可能做得衰嘢多个天都唔够胆收我
日日为咗理想音乐频频扑扑 为咗令到大家满足 劳劳碌碌
年年月月日日 我都系好忙 时时分分秒秒 我身心俱疲
我唔得闲病 我得闲死 我够胆死 我唔够胆放弃
有人话我缩头乌龟有人话我社会败类
有人想我死怕且有排我块面系免死金牌
未有获得家人支持未试过被他人理解
音乐系我嘅商品沦落到冇人买
想你了解 我而家到以后嘅 未来
曾经以为世界上嘅事情好顺摊 而家先知现实生活原来咁艰难
我用我嘅语言文字继续写低一个反 用自己只手 将自己向上攀