月光

中秋节有感
毕竟在海外过这种传统节日还是很不容易的
每逢佳节倍思亲嘛

（歌词中有个别字词不会打，以“囧”代替，此乃广东话博大精深的缘故，若有朋友知道正确答案，望留言告知）

Intro：咳～咳～畀我一个人静下～

唉～今晚 又系一个人食晚餐 唔系想揾个人囧其实已经习惯
唉～算把 打个电话叫个Pizza当月饼 切咗八旧以为七星伴月
坐喺个厅度睇住个月光晒入地堂十五十六圆 月亮好似一块镜 有冇照到一家团圆 至少 祈求上天成全 外国月亮唔系好圆都可以千里共婵娟
唉～今晚 又系漫漫长夜愈长梦愈多我就谂起童年时嘅儿歌 听住歌 我嘅思绪开始飘散到故乡到祖国 春风吹过玉门关到边疆
谁人能够 赐我羽翼一双 当我迷茫时可以飞番屋企𠮶扇窗
我嘅祖国 佢有住秀丽山河 养育咗我 仲有我嘅一对肩膀

企出门口晒月光 每逢佳节回头望 朦胧心情照远方 前路唔会再彷徨
企出门口晒月光 每逢佳节回头望 朦胧心情照远方 前路唔会再彷徨

呢个世界有太多嘢唔由得你自己控制 命都冇人地矜贵仲要畀人卖猪仔去咗南洋去咗Caliport做咕喱 人在他乡身不由己寄人篱下下等居民就系我地
天高任鸟飞 海阔埋唔到岸边 谂下屋企就喺咸水汪洋嘅另外一边 咸水海唔好味
枉费我情深一片 唯有皓朗嘅月光令我轻柔如水清澈
明月阴晴圆缺以引致潮涨潮退 就好似 我嘅心情一样 惆怅憔悴
未谂过 就算有千百万里嘅相距 我都一样挂住我嘅屋企人 （仲有佢）

少少情感像月光 遥看浪子回头望 丝丝怀念在远方 前路……（一齐唱～）
少少情感像月光 遥看浪子回头望 丝丝怀念在远方 前路……

我将我嘅一片真心照向明月谁知明月照落坑渠 独个买醉 就喺今夜无人入睡
我系夜晚嘅夸父追逐月亮 直到我死去
问下月亮女神 边度有我嘅女神 漂泊之中嘅短暂刺激令人兴奋
分久必合 合久必分 家阵冇人逼婚净系有好多骗财骗色嘅神棍 好似
香口胶 嚼完松 嚼完囧 冇得你唔锯 来去匆匆就算有啲心痛伤得太重要记住
茶是故乡浓 山水有相逢 当系经验为你铺路迟早迈向成功
系吖 仲有 唔好嫌我囧气 唱咗三分几种都唔系争在呢一句
无论你响出边受咗几重嘅伤 番到屋企一样有阿妈嘅老火靓汤

少少情感像月光 遥看浪子回头望 丝丝怀念在远方 前路……
少少情感像月光 遥看浪子回头望 丝丝怀念在远方 前路……
（行出个门口企喺个花园入边晒月光 离开嘅浪子每逢中秋佳节回头望）
（朦胧嘅怀念心情为你点亮远方灯光 前路一片光明放胆去唔使彷徨）

Outro：OK，系咁多先喇，ByeBye