心闷（Demo)
吴易叡
介绍
歌词
按怎忧闷，按怎毋困；
无时无阵，清醒失魂。
毋知月光，毋知日长；
无影无迹，枉费青春。
春雨袂煞，时间落霜；
半暝三更，一日准算。
热热爱情，亲像火印；
年那久月那深，犹是心闷。
想著彼个寒天咱欢喜约束做伴
彼年春天雷声响袂煞
彼日又阁眠梦著你，
胆胆行过来共阮相借问；
讲日后花开的时阵若转来，
敢阁有机会接绁缘份？
彼日又阁眠梦著你，
雄雄惊心身躯直直颤；
讲是无张无持，跋落坑崁，
揣无一个所在thang好伸。
彼日犹原眠梦著你，
一时煞毋知欲佗位軁；
茫茫渺渺，目空乌荒，
掠准已经袂阁有天光。