【散形suànn-hîng】demo
吴静依 Jing Wu
介绍
若是垃圾 若是沃澹
只要洗洗撋撋 风吹来阁会焦
－
词目：#散形
音读：suànn-hîng
词曲：#吴静依
编曲、录音、混音：#药仙
－
台语释义：懒散、漫不经心。骂人行事不周全、忘东忘西。
华语释义：死亡，消失。谓道徒遗其形骸而仙去。
歌词
东爿的日头开始赤焱 路内面的人敢若咧赶鸡仔
光线照落落去有影凿目 一工气力强欲曝予臭火焦
南爿的烧风阵阵吹来 大路的人面腔激甲规丸
温度炝了有影会害 精神就欲吹去另一个世界
我知影 我拢知影 代志就是按呢规工缀咧纺
我伫咧看 我有伫咧看 你的目屎会使沐伫我遮
横直 洗洗撋撋 等候 风吹日曝 看天地有偌阔
横直 洗洗撋撋 等候 风吹日曝 咱就轻轻共放
西爿的日头开始收煞 路内面的人敢若刁工拖沙
画面看落落去 淡薄仔毋甘 转到厝内就覕入去橱仔
北爿的寒风犹未吹来 大路的人眼神冷甲会?
原来会使做的有限 想欲温暖嘛想无办法
我知影 我拢知影 代志就是按呢规工缀咧纺
我伫咧看 我有伫咧看 你的目屎会使沐伫我遮
我嘛无条件 会替你拭汗 规工 规工
横直 洗洗撋撋 等候 风吹日曝 看天地有偌阔 你讲有偌阔
横直 洗洗撋撋 等候 风吹日曝 咱就轻轻共放 轻轻共放
横直 东南西北 一工到暗 阁继续共纺 继续共纺
横直 明仔载 风吹来阁会焦
corinth12
挺好听的
Iûnn ngá-huī
足好听❤️