欲共你讲
李维
歌词
想欲佮你讲一寡仔话 但是你已经无伫遮
日子过了不知不觉 早就袂记你唱的歌
做眠梦 嘛无拄著你 听音乐 嘛无你的声音
毋知过偌久 记持干焦䞐相片 一目𥍉仔就遐济年
啊 想欲寄予你的批 只会当囥咧心头底
啊 印象无䞐偌济 爱怎样讲出心内话
我过甲袂䆀 食饱穿暖 身边阁有足爱的人
虽然工课袂趁钱 但是枵袂死 生活算起来犹阁四序
上班下班 骑oo-tóo-bái 逐工时间做伊踅呀踅
转去共人租的厝 弹吉他 唱歌 日子匀匀仔行 我知影你恬恬咧看
较想你 嘛袂遐紧见面 这条歌 到时唱予你听
毋知犹有偌济 结伫心内几句话 反来反去呀几若暝
欲共你讲
我和你仝款 真𠢕煮食 饲伊吃甲膨皮仔膨皮
虽然犹是会冤家 只是相欠债 吵吵闹闹嘛是做伙
日升月落 认真生活 有时慒心嘛爱笑微微
若是三更犹阁歹困 就拍拼写歌 我斟酌咧写 嘛知影你有听我的歌
毋知我当时转去 嘛请你等我
...查看更多 收起