小人物的悲哀
哇系寒鸦
介绍
一边听歌 一边想著剧情
忽然有了念白的想法
念著念著 我真的哭了
歌词
～小人物的悲哀～（武御史＆弱叶）
（台语）
夫君 我是弱叶 你今嘛好么
我的心事甘会冻讲予你知影么
等你等了遮济年噜 我总是家己孤一咧人
戆戆啊看著天顶的月娘 想著遥远的青春梦
彼咧时忖 房间内的灯火红红红
你的头壳啉酒啉佮醉茫茫
酒的芳气罩著我的耳空
我嘛歹势佮 毋知欲覕置陀位藏
人讲少年翁某老来伴
怎样咱的运命 就亲像风飞沙
随著风啊 飘流到天涯海角
你一定毋知影 我的目屎是流了一夜又一夜
为啥米你拢毋出声
甘讲我的真心话无好听
还是你惦惦吼佮毋敢出声
因为会烦恼我的心肝 阁为你忧愁规夜
（啜泣声）
夫君 我是弱叶 咱虽然斗阵的时间短短
我总是相信 咱的心意会永远做伙
今啊日 小茶有来佮我看 唉 我又阁麻烦伊遮呢济
这款身躯 这种身命 我颠倒有一咧好翁婿
是我对不起你 这就是小人物的悲哀
昨暝雄雄梦著你的形影 还想讲是你真正转来
为啥米你还是无转来 你怎样忍心放我流目屎
（咳嗽声）
夫君 我是弱叶 我又阁嗽佮吐血
但是无要紧 我会继续等待时间经过
我会拜托天公伯 医好我的病
桃花若开换莲花 莲花若开是桂花
桂花若开换梅花 梅花若开了又是一冬过
夫君 你紧转来 我足想你
曲：张乃仁／枯枝弱叶／天罪贰／无非／填词念白：寒鸦
...查看更多 收起