你敢放袂记 lí kám pàng bē kì (demo)

取材自 白居易《后宫词》
后宫的宫女，等不到君王的到来，难过得睡不著觉。
像是和心仪的对象在暧昧里面周旋，有一天没有消息也问不出原因，
曾经有过的美好回忆，是不是对方都没有放在心上呢？
带著无法倾诉的心情，独自难过，孤单、失眠到天明。

歌词解释：

讲天讲地
kóng thinn kóng tē
讲鲎桸
kóng hāu hia
讲饭篱
kóng pn̄g lē

鲎桸 = 用鲎壳做成的舀水用具
饭篱 = 竹制的舀米沥去米汁的用具
意指 天南地北的聊天 无话不说

罗巾的色水
lô kin ê sik tsuí
已经退色
í king thè sik
想欲梦著你 煞失眠
siūnn bē bāng tio̍h lí suah sit bîn
有遐尔济的 过去
ū hiah nī tsē ê kuè khì
敢讲你 全部 放袂记
kám kóng lí tsuân pōo pàng bē kì

又阁是仝款的暗眠
iū koh sī kâng khuán ê àm mî
月娘遐尔媠
Gue̍h niû hiah nī suí
掺你做伙念歌诗
tsham lí tsò hué liām kua si
你敢犹会记？
lí kám iáu ē kì

欠一个画面
khiàm tsi̍t ê uē bīn
是我佮你阁坐斗阵 嗯～
sī guá kah lí koh tsē tàu tīn
是啥物情形
sī siánn mi̍h tsîng hîng
敢有人通说明
kám ū lâng thang suat bîng

泪湿罗巾梦不成
luī sip lô kin bōng put sîng
夜深前殿按歌声
Iā sim tsiân tiān àn ko sing
红颜未老恩先断
hông gân bī ló un sian tuān
斜倚薰笼坐到明
siâ í hun lông tsō tò bîng

是你讲的话
sī lí kóng ê uē
讲我的美丽
kóng guá ê bí lē
会囥咧心内底
ē khǹg leh sim lāi té
怎样拢无回
tsuánn iūnn lóng bô huê
敢讲一切 拢是 白贼话
kám kóng it tshè lóng sī pe̍h tsha̍t uē

是啥物问题
sī siánn mi̍h būn tê
我的一切 阁缀你 飏飏飞
guá ê it tshè koh tuè lí iānn iānn pue
怎样拢无回
tsuánn iūnn lóng bô huê
哪会无声无说
ná ē bô siann bô suè

又阁是仝款的暗眠
iū koh sī kâng khuán ê àm mî
月娘遐尔媠
Gue̍h niû hiah nī suí
想你做伙念歌诗
siūnn lí tsò hué liām kua si
你敢犹愿意？
lí kám iáu guān ì

是你讲的话
sī lí kóng ê uē
讲我的美丽
kóng guá ê bí lē
会囥咧心内底
ē khǹg leh sim lāi té
怎样拢无回
tsuánn iūnn lóng bô huê
敢讲一切 拢是 白贼话
kám kóng it tshè lóng sī pe̍h tsha̍t uē

敢犹有机会 （和你）
kám iáu ū ki huē （hām lí）
讲天讲地 鲎桸佮饭篱
kóng thinn kóng tē hāu hia kah pn̄g lē
怎样拢无回 （拢无回）
tsuánn iūnn lóng bô huê （lóng bô huê）
敢是眠梦 我犹困袂醒
kám sī bîn bāng guá iáu khùn bē tshénn

泪湿罗巾梦不成
luī sip lô kin bōng put sîng
夜深前殿按歌声
iā sim tsiân tiān àn ko sing
红颜未老恩先断
hông gân bī ló un sian tuān
斜倚薰笼坐到明
siâ í hun lông tsō tò bîng