这该死的拘执佮爱

＊2019/05/03 First ver.：https://youtu.be/utxHZq9Nxm4

作词作曲 Compose & Lyric／王家权 Hunter Wang
编曲 Arrange／珂拉琪 Collage

电吉他 Guitar／王家权 Hunter Wang
主唱 Vocal／夏子 Natsuko

录制与混音 Record & Mix／
柯拓名（小名）@ 地下怪兽音乐制作研究室
Ming Ke @ Indie Monster Studio

插图 Art／夏子 Natsuko
台语歌词顾问 Lyrics Supervisor／李勤岸 Lí Khîn Huānn

你的心 亲像花
lí ê sim, tshin-tshiūnn hue
无人应 随蔫去
bô lâng ìn, suî lian-khì
你爱的人 诚固执
lí ài ê lâng, tsiânn kòo-tsip
予伊的梦 伊提袂起
hōo i ê bāng, i the̍h bē khí

你是一个 如此温柔的人
lí sī tsi̍t ê, lû-tshú un-liû ê lâng
你应该 爱你值得爱的人
lí ing-kai, ài lí ta̍t-tit ài ê lâng
但是 头前有我欲行的路
tān-sī, thâu-tsîng ū guá beh kiânn ê lōo
毋知你敢会了解
m̄ tsai lí kám-ē liáu-kái

是按怎拆开你的 心肝内底
sī-án-tsuánn thiah-khui lí ê sim-kuann lāi-té
会看著 暗淡的爱流成水
ē khuànn-tio̍h, àm-tām ê ài lâu sîng tsuí
当我越头离开时 心内乱雨纷飞
tǹg guá ua̍t-thâu lī-khui sî, sim-lāi luān-ú-hun-hui

因为你 的眼神
in-uī lí ê gán-sîn
戆戆咧望 真毋愿
gōng gōng teh bāng, tsin m̄-guān

若是你 会当看著 (亻因)伫咧彼搭
nā-sī lí, ē-tàng khuànn-tio̍h in tī-leh hit-tah
咱就会使 做伙搝彼阵落水的人
lán tio̍h ē-sái, tsò-hué giú hit tīn lo̍h-tsuí ê lâng
伊写的彼条歌 是拆破生死的纸
i siá ê hit tiâu kua, si thiah-phuà senn-sí ê tsuá
敢讲你 真正拢无感觉
kám-kóng lí, tsin-tsiànn lóng bô kám-kak

是按怎拆开你的 心肝内底
sī án-tsuánn thiah-khui lí ê sim-kuann lāi-té
会看著 暗淡的爱流成血
ē khuànn-tio̍h, àm-tām ê ài lâu sîng hueh
当我无阁咧注神 磕袂著就想著你
tng guá bô-koh teh tsù-sîn, kha̍p-bē-tio̍h tō siūnn-tio̍h li

但是你 的眼神
tān-sī lí ê gán-sîn
无彩工 准拄煞
bô-tshái-kang, tsún-tú suah

猛兽乱使 侵门踏户
bíng-siù luān-sú, tshim-mn̂g-ta̍h-hōo
厝边头尾 寸草无生
tshù-pinn-thâu-bué, tshùn-tsháu-bû-sing