血母荫身

血母荫身（Hueh-bó Ìm-sin）
Astray in Crimson Bardo

作词作曲 Composer & Lyricist／王家权 Hunter Wang
音乐编写 Songwriter／王家权 Hunter Wang
编曲 Arranger／王家权 Hunter Wang、夏子 Natsuko
共同编曲 Co-Arranger ／温娜 Wenna

主唱 Vocalist／夏子 Natsuko
电吉他 Electric Guitarist／王家权 Hunter Wang
合声 Backing Vocalist／夏子 Natsuko、王家权 Hunter Wang
合成器声响精修 Synthesizer Sound Refine／温娜 Wenna

人声录音工程师 Vocal Recording Engineer／柯拓名（小名）Ming Ke @Studio51
人声剪辑工程师 Vocal Editing Engineer／柯拓名（小名）Ming Ke @Studio51
主剪辑工程师 Main Editing Engineer／温娜 Wenna @隐室 In’z Studio
混音工程师 Mixing Engineer／温娜 Wenna @隐室 In’z Studio
母带后期处理制作人 Mastering Producer／温娜 Wenna
母带后期处理工程师 Mastering Engineer／Felix Davis @Metropolis Studios

专辑封面设计 Cover Designer／永真急制 Workshop @aaronniehworkshop
台语歌词顾问 Lyrics Supervisor／李勤岸 Lí Khîn-huānn
歌名英译 Title Translator／陈韦翰 Wei-Han Chen

经纪人 Manager／小夏 Summer

上尾爱你 ê 一切拢转来矣
Siōng-bué ái lí ê it-tshè lóng tńg--lâi ah
陪你行你煞心 ê 路 眼前
Puê lí kiânn lí sannh-sim ê lōo, gán-tsiân
狂风起长涌 身浮沉
Kông-hong khí tn̂g-íng, sin phû-tîm
轻声用思念喘气
Khin-siann iōng su-liām tshuán-khuì
真毋甘愿
Tsin m̄ kam-guān

足想欲为著你 继续活落去
Tsiok siūnn beh uī-tio̍h lí, kè-sio̍k ua̍h--lo̍h-khì
足想欲为著啥人 决定开始认真
Tsiok siūnn beh uī-tio̍h siánn-lâng, kuat-tīng khai-sí jīn-tsin
彼时我总算是 足有气魄
Hit-sî guá tsóng-sǹg sī, tsiok ū khì-phik
你有力 ê 手共我 牵入你青色 ê 树荫
Lí ū-la̍t ê tshiú kā guá khan-ji̍p lí tshenn-sik ê tshiū-ńg

神様、仆は风邪をひいたみたい
Kamisama, boku wa kaze o hiita mitai
规粒心脏湠满 伊的病毒
Kui-lia̍p sim-tsōng thuànn-muá i ê pēnn-to̍k
所有 ê 答案拢 无力解说
Sóo-ū ê tap-àn lóng, bô-la̍t kái-sueh
横直看著你 就啥物拢无要紧
Huâinn-ti̍t khuànn-tio̍h lí, tiō siánn-mih lóng bô iàu-kín

凡势是你 ê
Huān-sè sī lí ê
凡势是我 ê
Huān-sè sī guá ê
又阁是彼个 眼神啊
Iū koh-sī hit-ê gán-sîn ah
咬著咱身躯 是这生永远 无了时的迷恋
Kā tio̍h lán sin-khu, sī tsit-sinn íng-uán, bô liáu-sî ê bê-luân

听著你温柔 ê 话 乘风烌去
Thiann-tio̍h lí un-liû ê uē, sîng-hong hu--khì
我嘛渐渐欲离开
Guá mā tsiām-tsiām beh lī-khui

就算我 攑悬一切 奉陪到底
Tiō-sǹg guá gia̍h-kuân it-tshè, hōng-puê kàu-té
毋过我 ê 血肉 犹是咧幌
M̄-koh guá ê hueh-bah, iah-sī teh hàinn
疼疼疼行入 古老咒谶
Thiànn thiànn thiànn kiânn-li̍p, kóo-ló tsiù-tshàm
面笑肚忧 头前哪会万丈深
Bīn-tshìo tōo-iu thâu-tsîng,ná ē bān-tn̄g tshim
群兽吞月 山林无声
Kûn-siù thun-gue̍h, suann-nâ bô-siann
心狂走傱 一时揣无路
Sim-kông tsáu-tsông, tsi̍t-sî tshuē-bô lōo
毋捌遮尔 放声咧吼
M̄-bat tsiah-nī, pàng-siann teh háu
Tshāi 伫遐 ê 双跤
Tshāi tī-hia ê siang-kha

真希望家己无咧哭
Tsin hi-bāng ka-kī bô teh khàu
会当自在 写咱 ê 日后
Ē-tàng tsū-tsāi siá lán ê ji̍t-āu
渐渐收喙 ê 彼工
Tsiām-tsiām siu-tshuì ê hit-kang
有时阵犹是会惊惊
Ū-sî-tsūn iah-sī kiann-kiann

坠落了后断去 ê 双翼
Tuī-lo̍h liáu-āu tn̄g-khì ê siang-si̍t
悲伤恬恬浸水流转
Pi-siong tiām-tiām tsìm tsuí liû-tsuán
银索仔摧絚咙喉
Gîn soh-á tshui ân nâ-âu
注目Fortuna
Tsù-bo̍k

一生一改 人间审判
It-sinn tsi̍t-kái, jîn-kan sím-phuànn
全身全霊 祝福 你活落来
Zenshinzenre tsiok-hok, lí ua̍h--lo̍h lai
Thún 踏 ê 过去 全拢想起
Thún-ta̍h ê kuè-khì, tsuân lóng siūnn-khí
等你最后共我牵牢 好无
Tán lí tsuè-āu kā guá khan-tiâu, hó--bô

命运轧过 美丽风景
Miā-ūn kauh-kuè bí-lê hong-kíng
只是小可 孤单尔尔
Tsí-sī sió-khuá koo-tuann niā-niā
寒雨拍伫 闪烁耳钩
Kuânn-hōo phah tī siám-sih hīnn-kau
世间 ê 眠梦
Sè-kan ê bîn-bāng
未来
Bī-lâi