08.桥跤 Under the bridge
江惠仪 Joey Chiang
歌词
今日佮昨日 敢有无仝 仝款一个 寒冷的夜
乌暗的桥跤 孤单一个人 缀著水流声 唱入梦
一领破旧的红 闸袂牢风寒
由在风咧戏弄 雨沃澹了衫
敢是佮我相仝 行了伤远 袂得振动 毋愿越头嘛毋闪避
桥跤的人影 喝甲梢声予谁听
无日无夜 汗嘛缀著 河水流袂焦
一直踮伫遮 等待相仝的心情 只是今日 犹未等著 经过的人
日时佮暗暝 嘛是相仝 桥跤仝款 照无日头
风沙搧袂停 一层一层咧叠 残缺的衫 嘛会守护我的红
覕著风 覕著雨 走袂离的寒 带著苦 带著伤 犹坚定咧等
桥跤的人影 喝甲梢声予谁听
无日无夜 汗嘛缀著 河水流袂焦
一直踮伫遮 等待相仝的心情 只是今夜 犹是等无 经过的人
等彼一工 跳落水岸 等彼一工 就会无仝(我会无仝)
换几日专工收看 换几段生份纪念
只是桥跤 犹是桥跤
仝款一个 寒冷的夜 仝款孤一个 徛伫桥跤
拍落风沙 一工阁过一工 仝款向望 今日会当无仝
桥跤的人影 等待相仝的心情
风雨紧大 掩崁我的孤单我的吼
身躯踮伫遮 灵魂缀著河水去做梦
做著一个 行袂振动的人 河水若焦 会看著沉落的红