无题
KidD da FloW
介绍
歌词
嚟到2011 我今年行年廿九，唔够人哋富有亦都唔够人哋才高八斗，
我祗能够追求，但系唔会苛求，唯有默默迈向梦想之路不断前走,
今次决定要埋首被窦，不断咁探求，参考人哋嘅词作点样会永垂不朽？
唔死剩把口，唔再似以前咁怕丑，因为唔想后悔当以后人生去到止休.
从今之后唔再 甘心向命运自首，唔再 向现实低头，唔再 写到一半就走，
因为现在 灵感同力量涌上心头，贯穿脑神经中枢系统反射至手同口，
开始揾人打救，假手于人嚟交流，所以要求高嘅朋友唔该你哋稍候，
等我深入研究，呢个祗不过系前奏，等我抖够探究个究竟就会完成成首.
Sing : 但我的心每分每刻仍然被她占有
曾经同样嘅演奏 有过一个歌手 用最深情嘅演绎嚟展现佢嘅歌喉
我又边有咁嘅歌喉 我祗能用我嘅Flow走 我绝不能因为唔识咁唱而选择逃走
唯有继续努力我嘅Show Down 呼吁我嘅兄弟好友 跟住属于我嘅Flow一齐Go Around
我 仲未唱够 我嘅手都未写够玩够 跟住呢个节奏 再继续行走
休息完返嚟 我又试继续再嚟 有啲人唔爽我我谂我都懒得睬你
我唔会放弃 祗会继续提升我嘅才气再嚟 就会有再新嘅歌词出现俾你
媲美杀首灵浩思维我自知未够路 我头脑转数唔快唔知系乜嘢构造
就因为咁样你就叫我捐入被窦度 食懵你啊 我谂你应该都烧坏个脑
过渡期系人生道路嘅必经之途 你又唔系我 你又点知我会点做
我自己嘅缺点 当然我自己会检讨 我实唔会沾人哋光彩嚟往自己脸涂
沿途以嚟都有兄弟艾里恩陪伴左右𠮶头又话识到一班主张慢行嘅朋友
有咁多人行头 条路点会咁快行够 上天保佑 我呢条路会越行越长久
曾经被无数压力同词穷将我逼到埋墙头 好彩有班好友令我不至于跳出窗口
重新伶起双手 训练自己张口 手中揸住嘅笔 就系我 最有力嘅枪头