05_天然餐具
lennontoolbar
合作音乐人
- 蓝浓道具屋
介绍
近年来，环保意识愈来愈悬，予真济人注意著使用天然植物来做餐具的可能。有佗一寡植物适合提来包食材咧？伫下面阮会绍介几款仔台湾捷用的植物予逐家，逐家不妨观察一下，看蹛的附近有啥物植物！
若无确定植物有毒抑无毒，会当买亲像粿纸这款烘焙用纸较安全。
月桃
台湾捷看的植物，除了会当做粿纸，嘛会当用来缚粽。伊的果是足鲜的柿仔色，不止仔媠。
柚仔
倚叶仔柄的所在有翼叶是伊的特点。用来做粿纸的时阵，会有特殊的芳气，虽然是较罕咧看的植物，毋过若有用，会当增加风味。
弓蕉
台湾因为盛产弓蕉，过去予人称做是弓蕉王国，所以一四界拢看会著，弓蕉叶大大片，盖适合用来做盘仔。
粿叶树
海边仔真四常的防风植物，所以嘛定定予海边仔人提来做粿纸。树皮纤维嘛会当做索仔。
蝶仔花
发的时阵密密生，定定出现伫澹湿的田边。白白白的花蕊，若像伫园里飞来飞去的蝶仔，媠当当。
碧果草
原住民常在用来包米食的植物，除了炊熟了会当做伙食，幼叶仔嘛会当直接食。
歌词
这是没有提供歌词的歌曲