06_粿的花草
lennontoolbar
合作音乐人
- 蓝浓道具屋
介绍
伫久长的汉文化内底，祭祀往往需要准备大量的牲醴佮花果，毋过遮的祭品毋是逐个人拢提会著，为著欲祭拜神明，虔诚的民众，发展出共花草印伫对百姓来讲嘛足珍贵的米食顶头，来代替祭品，透过按呢的形式，就算无使用高级的祭品，逐家虔诚的心，终其尾会传达予守护百姓的济济神明。
遮的花草毋是干焦看媠，定定嘛有真济祝福的意义，每一款花草拢有独一无二的象征佮故事，下底咱欲绍介几款仔经典的花草，予逐家了解传统花草的奥妙。
龟纹
因为龟的寿命足长，所以成做长岁寿的代表，甚至过去嘛会使用龟壳来算命佮祭祀，因为龟真歹取得，自按呢发展出龟纹，嘛是上捷看的花草。六角形的龟壳内底，定定有刻‘福’、‘禄’、‘寿’遮的字，加强长岁寿的意象。
两个龟纹，两倍长岁寿。葫芦形的双连龟纹，阁有‘连续’的意义。无任何花草的面龟，捏腰身了，嘛会当变做双连龟。以一代二，双倍吉祥、双倍诚意。
桃纹
桃纹是对先民崇拜桃仔来的，先民认为桃仔代表驱邪避凶佮长岁寿。早年会伫枋仔顶面，画桃纹，叫做‘桃符’，是春联的前身，挂伫门，驱邪避凶。
桃纹佮长岁寿的连结，是对西王母信仰来的，传说西王母蹛的山顶，有一欉仙桃，三千年开花，三千年结果，三千年到分，食落了后会当长生不老，也就是因为按呢，桃纹有长生不老的意涵，桃纹内底甚至会加入寿纹，加强长岁寿的意象。
牵仔粿纹
牵仔粿纹阁叫做连钱纹，铜钱对中心向两爿延伸，有‘以钱牵钱’，‘财富连绵’的意思，后世甚至发展出各种形式的连钱纹，只要是共钱连做伙，就会当叫做是连钱纹。
鱼纹
有济济鱼仔的故事伫无仝的民族流传，逐家上知影的绝对就是鱼跃龙门的故事。鱼纹伫多民族融合了后，成做盖有吉祥意义的花草，有‘多产’、‘吉祥’、‘汇集财富’遮的意义。
歌词
这是没有提供歌词的歌曲