tá-káu hái-íng，ji̍t-thâu iánn DEMO 16

▎期待能再次在烈日下漫游。〈tá-káu hái-íng，ji̍t-thâu iánn／打狗海涌，日头影）

词：ông huē bûn
曲：n̂g tí ka
bass：黄翼帆
drums：滕
guitar：叶来发

西仔湾听候海涌的歌（华：在西子湾等待海浪的歌声）
－se-á-uân thìng-hāu hái-íng ê kua
欶烧酒螺相对看（华：吸著烧酒螺，看著对方）
－suh sio-tsiú-lê sio-tuì-khuànn

踏生鉎生鉎的轮仔（华：踏著些许生锈的单车）
－ta̍h senn-sian senn-sian ê lián-á
走揣：竹林、海贼、旗后山（华：找寻：竹林、海盗、旗后山）
－tsáu-tshuē：tik-nâ、hái-tsha̍t、kî-āu-suann

渡船头，退火食冰角（华：渡船头，吃冰块降火气）
－tōo-tsûn-thâu，thè-hué tsia̍h ping-kak
旗津、锁卷仔、鰇鱼跤（华：旗津、小卷、鱿鱼须）
－kî-tin、 sió-kńg-á、liû-hî-kha

踏生鉎生鉎的轮仔（华：踏著些许生锈的单车）
－ta̍h senn-sian senn-sian ê lián-á
搜揣：港都、打狗、高雄港（华：搜寻：港都、打狗、高雄港）
－tshiau-tshuē：káng-too、tá-káu、ko-hiông-káng

日头，伫遮，伫遮，敢有影？（华：太阳，在这里，在这里，有影子吗？）
－ji̍t-thâu，tī tsia，tī tsia，kám ū iánn ？
大船，入港，入港，敢有声？（华：大船，进港，进港，有声音吗？）
－tuā-tsûn，ji̍p káng，ji̍p káng，kám ū siann？

踏生鉎生鉎的轮仔（华：踏著些许生锈的单车）
－ta̍h senn-sian senn-sian ê lián-á
偷啖高雄港海水咸咸（华：偷尝高雄港咸咸的海水）
－thau tam ko-hiông-káng hái-tsuí kiâm-kiâm
偷听爱河河水恬恬（华：偷听安静无声的爱河）
－thau thiann ài-hô hô-tsuí tiām-tiām

踏生鉎生鉎的轮仔（华：踏著些许生锈的单车）
－ta̍h senn-sian senn-sian ê lián-á
泅--入，大路的窗仔门（华：游入大马路的窗户）
－siû--ji̍p，tuā-lōo ê thang-á-mn̂g
軁--入，海边的大山跤（华：钻进海边的山脚下）
－nǹg--ji̍p，hái-pinn ê tuā-suann-kha

你敢...？你敢阁捌--我？（华：你...你还认得我吗？）
－lí kám...？lí kám koh bat--guá？
阮拢是坐你摇笱大的打狗囝（华：我们都是坐你摇篮长大的打狗孩子）
－guán lóng-sī tsē lí iô-kô tuā ê tá-káu-kiánn

毋管台北、美国、西班牙（华：不管台北、美国、西班牙）
－m̄-kuán tâi-pak、bí-kok、se-pan-gâ
思念．．．（想念．．．）
－su-liām．．．
海涌的声（华：海浪的声音）
－hái-íng ê siann
日头的影（华：太阳的影子）
－ji̍t-thâu ê iánn

柴山
tshâ-suann
猴山仔，伫遐，伫遐
kâu-san-á tī hia tī hia

旗津
kî-tin
三轮车，起行，起行
sann lián tshia khí-kiânn khí-kiânn

古早马卡道伫平埔行踏
kóo-tsá Makatao tī pênn-poo kiânn-ta̍h
现代打狗兄
hiān-tāi tá-káu-hiann
飞上云顶城
pue-tsiūnn hûn-tíng siânn
练唱港都恋爱歌青春梦
liān-tshiùnn káng-too luân-ài tshing-tshun-bāng