Sio mue （小妹）demo

Demo

真久以前，一个王子世家，厝内环境袂䆀，奶母的查某囝，佮王子亲像兄妹仔仝款，两个人做伙?迌，做伙大汉，感情深厚。

王子对小妹的尽心照顾，予小妹产生对阿兄的爱慕之心，毋过因为身份的关系，这两个人无法度做伙，小妹只有恬恬仔共这份袂当讲的感情，囥伫心肝颖仔里。

行到这世，奥妙的缘份，阿兄转世做阿姊，小妹虽然无机会通出世伫仝一个家庭，不而过，伫阿姊七岁彼年，?阿姑领养一个出世无偌久的红婴仔，这个红婴仔就是小妹。

两姊妹仔虽然无血缘的关系，但是阿姊对小妹真疼痛，有啥物好空的，我有一份，你一定嘛是，两个人总是形影不离，食饭读书拢斗阵，就按呢，这对姊妹仔慢慢仔大汉矣。

四年前，小妹雄雄来过身，时间一工一工过去，你古锥的形影犹原亲像伫阮身边。你一出世就是孤儿，希望藉帮助孤儿的力量，会当予你伫后世人投胎的时，去到有爱、用心疼惜你的家庭，予你快乐的成长。

两世人欲相拄是真深的缘份，是一件真无简单的代志。做伙相处二十外年的时间，毋知你是按怎揣著我，毋过犹是感谢你行入我的性命。

因果迵三世，前世影响今世，今世所做影响后世，后世人我佮你会伫佗位咧？茫茫人海敢有可能会阁拄著你？无论未来如何，多谢你予我有遮济美好的回忆。写这条歌，送予你，向望犹有机会会当同齐伫仝一个家庭，做伙?迌，做伙生活，互相是上好的囡仔伴，伫充满爱的环境做伙快乐成长。

小妹
词：丹霓
曲：tí ka

真久以前 我佮你
做伙大汉是麻吉
兄妹仔 小妹爱慕的心
将这份袂当讲的感情
囥伫心肝颖仔里

行到这世 我佮你
厝内的人共你抱来饲
姊妹仔 我有一份你一定嘛是
感情好 无法度拆分开

飞到天顶去 你的形影犹伫身边
一年过一年 帮助孤儿帮助你
向望后世人 你会当出世伫
有爱的家庭 像阮共你疼入心

两世人欲相拄无简单
毋知你是按怎揣著我

二十外年的时间
多谢你行入我的性命